2015 جىلعى 29 قاڭتار, استانا قالاسى
تەلەكوممۋنيكاتسيالار جەلىلەرىنىڭ ءوزارا ءىس-قيمىل جاساۋى مەن ورتالىقتان باسقارۋدىڭ بىرىڭعاي قاعيدالارىن بەكىتۋ تۋرالى
«بايلانىس تۋرالى» 2004 جىلعى 5 شىلدەدەگى قازاقستان رەسپۋبليكاسى زاڭىنىڭ 21-بابى 2-تارماعىنىڭ 1) تارماقشاسىنا سايكەس بۇيىرامىن:
1. قوسا بەرىلىپ وتىرعان تەلەكوممۋنيكاتسيالار جەلىلەرىنىڭ ءوزارا ءىس-قيمىل جاساۋى مەن ورتالىقتان باسقارۋدىڭ بىرىڭعاي قاعيدالارى بەكىتىلسىن.
2. قازاقستان رەسپۋبليكاسى ينۆەستيتسيالار جانە دامۋ مينيسترلىگى بايلانىس, اقپاراتتاندىرۋ جانە اقپارات كوميتەتى (س.س. سارسەنوۆ):
1) وسى بۇيرىقتىڭ زاڭنامادا بەلگىلەنگەن تارتىپتە قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن;
2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە كوشىرمەسىن مەرزىمدى باسپا باسىلىمدارىندا جانە «قازاقستان رەسپۋبليكاسى ادىلەت مينيسترلىگىنىڭ «رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنىڭ «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرۋدى;
3) وسى بۇيرىقتى قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ ينتەرنەت-رەسۋرسىندا جانە مەملەكەتتىك ورگانداردىڭ ينترانەت-پورتالىندا ورنالاستىرۋدى;
4) وسى بۇيرىق قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلگەننەن كەيىن ون جۇمىس كۇنى ىشىندە وسى بۇيرىقتىڭ 1), 2) جانە 3) تارماقشالارىندا كوزدەلگەن ءىس-شارالاردىڭ ورىندالۋى تۋرالى مالىمەتتەردى قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ زاڭ دەپارتامەنتىنە ۇسىنۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى ينۆەستيتسيالار جانە دامۋ ۆيتسە-ءمينيسترى ا.ق. جۇماعاليەۆكە جۇكتەلسىن.
4. وسى بۇيرىق ونىڭ العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ ينۆەستيتسيالار جانە دامۋ ءمينيسترى ءا.يسەكەشەۆ.
«كەلىسىلدى»:
قازاقستان رەسپۋبليكاسىنىڭ باس پروكۋرورى
________________ ا.داۋىلباەۆ
2015 جىلعى 17 ناۋرىز
قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ
2015 جىلعى 29 قاڭتارداعى №66 بۇيرىعىمەن بەكىتىلگەن
تەلەكوممۋنيكاتسيالار جەلىلەرىنىڭ ءوزارا ءىس-قيمىل جاساۋى مەن
ورتالىقتان باسقارۋدىڭ بىرىڭعاي قاعيدالارى
1. جالپى ەرەجەلەر
1. وسى تەلەكوممۋنيكاتسيالار جەلىلەرىنىڭ ءوزارا ءىس-قيمىل جاساۋى مەن ورتالىقتان باسقارۋدىڭ بىرىڭعاي قاعيدالارى (بۇدان ءارى – قاعيدالار) «بايلانىس تۋرالى» 2004 جىلعى 5 شىلدەدەگى قازاقستان رەسپۋبليكاسىنىڭ زاڭىنىڭ (بۇدان ءارى – زاڭ) 21-بابىنا سايكەس ازىرلەندى جانە تەلەكوممۋنيكاتسيالار جەلىلەرىنىڭ ءوزارا ءىس-قيمىل جاساۋى مەن ورتالىقتان باسقارۋ ءتارتىبىن ايقىندايدى.
2. قاعيدالار ارنايى ماقساتتاعى تەلەكوممۋنيكاتسيا جەلىلەرىن قوسپاعاندا, قازاقستان رەسپۋبليكاسىنىڭ بىرىڭعاي تەلەكوممۋنيكاتسيا جەلىسىن قۇرايتىن جەلىلەرگە قولدانىلادى.
3.وسى قاعيدالاردا كەلەسى انىقتامالار پايدالانىلادى:
1) تەلەكوممۋنيكاتسيا جەلىلەرىن ورتالىقتان باسقارۋ جۇيەسى (بۇدان ءارى – تجوب جۇيەسى) - باسقارۋشى تەحنولوگيالىق پارامەترلەردى قالىپتاستىرۋ جانە ولاردىڭ اتقارىلۋىن باقىلاۋ جونىندەگى ۇيىمدىق-تەحنيكالىق ءىس-شارالار كەشەنى;
2) شەتەلدىك بايلانىس وپەراتورلارى - قازاقستان رەسپۋبليكاسىنان تىس بايلانىس قىزمەتتەرىن كورسەتەتىن جەكە نەمەسە زاڭدى تۇلعالار;
4. قازاقستان رەسپۋبليكاسىندا تەلەكوممۋنيكاتسيا جەلىلەرىن ورتالىقتان باسقارۋدى ۋاكىلەتتى ورگان زاڭعا سايكەس جانە مىنا:
1) حالىقارالىق بايلانىس جەلىلەرىندە تەلەكوممۋنيكاتسيا جەلىلەرى ترافيگىنىڭ اعىمداعى جاعدايى تۋرالى اقپاراتتى جيناقتاۋ جانە تالداۋ;
2) بايلانىس قۇرالدارى تۇلعانىڭ, قوعامنىڭ جانە مەملەكەتتىڭ مۇددەسىنە نۇقسان كەلتىرەتىن قىلمىستىق ماقساتتا, سونداي-اق قازاقستان رەسپۋبليكاسىنداعى سايلاۋ تۋرالى زاڭنامانى بۇزاتىن ەكسترەميستىك جانە تەرروريستىك ارەكەتتەردى جۇزەگە اسىرۋعا, جاپپاي تارتىپسىزدىكتەرگە, سول سياقتى بەلگىلەنگەن ءتارتىپتى بۇزا وتىرىپ جۇرگىزىلەتىن بۇقارالىق (جاريا) ءىس-ارەكەتتەرگە قاتىسۋعا شاقىرۋدى قامتيتىن اقپاراتتى تاراتۋ ءۇشىن پايدالانعان جاعدايلاردا, سوتتاردىڭ كەز كەلگەن جەلىلەر مەن بايلانىس قۇرالدارىنىڭ قىزمەتىن توقتاتا تۇرۋ تۋرالى سوت شەشىمدەرىنىڭ, قازاقستان رەسپۋبليكاسى باس پروكۋرورىنىڭ نەمەسە ونىڭ ورىنباسارلارى ۇيعارىمدارىنىڭ ورىندالۋىن قامتاماسىز ەتۋ;
3) ۋاكىلەتتى مەملەكەتتىك ورگانداردى باسىم پايدالانۋ, سونداي-اق تابيعي جانە تەحنوگەندى سيپاتتاعى توتەنشە جاعدايلار بولعان كەزدە كەز كەلگەن جەلىلەر مەن بايلانىس قۇرالدارىنىڭ (ۇكىمەتتىك بايلانىستان باسقا) قىزمەتىن توقتاتا تۇرۋ قۇقىعىمەن قامتاماسىز ەتۋ ماقساتىندا جۇزەگە اسىرادى.
2. تەلەكوممۋنيكاتسيا جەلىلەرىنىڭ ءوزارا ءىس-قيمىل جاساۋى مەن ورتالىقتان باسقارۋ ءتارتىبى
5. ترافيكتى وتكىزۋدى جانە ءوزارا ەسەپ ايىرىسۋ ءتارتىبىن قوسا العاندا, تەلەكوممۋنيكاتسيا جەلىلەرىنىڭ قوسىلۋى مەن ءوزارا ءىس-قيمىل جاساۋى زاڭنىڭ 8 بابى 19-13) تارماقاشالارىنا سايكەس ۋاكىلەتتى ورگان بەلگىلەيتىن تارتىپپەن جۇزەگە اسىرىلادى.
6. قالاارالىق جانە حالىقارالىق بايلانىس وپەراتورلارى وزدەرىنىڭ تەلەكوممۋنيكاتسيا جەلىلەرىن ورتالىقتان باسقارۋ ورتالىقتارىن تجوب جۇيەسىمەن ينتەگراتسيالاۋدى قامتاماسىز ەتەدى.
7. قالاارالىق جانە حالىقارالىق تەلەفون بايلانىس وپەراتورلارىنىڭ تەلەكوممۋنيكاتسيا جەلىلەرىن تجوب جۇيەسىنە قوسۋ تەلەكوممۋنيكاتسيا جەلىلەرىنىڭ جۇمىس ىستەۋىن, ورنىقتىلىعىن جانە اقپاراتتىق قاۋىپسىزدىگىن ۇيىمدىق-تەحنيكالىق قامتاماسىز ەتۋ شارالارىن كوزدەيتىن جانە ۋاكىلەتتى ورگانمەن كەلىسىلگەن بايلانىس وپەراتورى مەن مەملەكەتتىك تەحنيكالىق قىزمەت اراسىنداعى ەكى جاقتى كەلىسىمدەرى نەگىزىندە جۇزەگە اسىرىلادى.
8. قالاارالىق جانە حالىقارالىق بايلانىس وپەراتورلارى شەتەلدىك وپەراتورلارمەن ترافيك الماسۋدى تجوب جۇيەسى ارقىلى جۇزەگە اسىرادى.
9. قالاارالىق جانە حالىقارالىق بايلانىس شەتەلدىك وپەراتورلارمەن ترافيك الماسۋدى قازاقستان رەسپۋبليكاسىنىڭ قالاارالىق جانە حالىقارالىق بايلانىس وپەراتورلارى ارقىلى عانا جۇزەگە اسىرادى.
10. الەۋمەتتىك, تابيعي جانە تەحنوگەندىك سيپاتتاعى توتەنشە جاعداي قاتەرى تونگەن نەمەسە تۋىنداعان, سونداي-اق توتەنشە جاعداي ەنگىزىلگەن كەزدە بايلانىس جەلىلەرىن باسقارۋدى قازاقستان رەسپۋبليكاسىنىڭ زاڭناماسىنا سايكەس ۋاكىلەتتى ورگان باسقا دا ۋاكىلەتتى مەملەكەتتىك ورگاندارمەن ءوزارا ءىس-قيمىل جاساي وتىرىپ جۇزەگە اسىرادى.
11. جەلىلەردىڭ جانە (نەمەسە) بايلانىس قۇرالدارىنىڭ قىزمەتىن توقتاتا تۇرۋ تۋرالى شەشىمدى العان كەزدە مەملەكەتتىك تەحنيكالىق قىزمەت دەرەۋ وسى شەشىمنىڭ ورىندالۋىن قامتاماسىز ەتەدى جانە بايلانىس وپەراتورلارىنا ونىڭ ورىندالۋىن قامتاماسىز ەتۋدىڭ پايدالانىلاتىن تەحنولوگيالىق پارامەترلەرى تۋرالى حابارلايدى.
12. كورسەتىلگەن شەشىمنىڭ ورىندالۋىن باقىلاۋدى جۇزەگە اسىرۋ ءۇشىن بايلانىس وپەراتورى ءوزىنىڭ تەلەكوممۋنيكاتسيا جەلىسىنىڭ باسقارۋ ورتالىعىنا ۋاكىلەتتى ورگاننىڭ جەكە قول جەتكىزۋىن قامتاماسىز ەتەدى.
13. ەگەر, بايلانىس جەلىلەرىن جانە (نەمەسە) قۇرالدارىن جەكە ادامنىڭ, قوعامنىڭ جانە مەملەكەتتىڭ مۇددەلەرىنە نۇقسان كەلتىرەتىن قىلمىستىق ماقساتتاردا, سونداي-اق قازاقستان رەسپۋبليكاسىنداعى سايلاۋ تۋرالى زاڭنامانى بۇزاتىن, ەكسترەميستىك جانە تەرروريستىك ارەكەتتەردى جۇزەگە اسىرۋعا, جاپپاي تارتىپسىزدىكتەرگە, سونىمەن قاتار بەلگىلەنگەن ءتارتىپتى بۇزا وتىرىپ جۇرگىزىلەتىن بۇقارالىق (جاريا) ءىس-شارالارعا قاتىسۋعا شاقىرۋدى قامتيتىن اقپارات تاراتۋ ءۇشىن پايدالانعان ادام ونى الىپ تاستاعان جاعدايدا, وندا ول بۇل تۋرالى ۋاكىلەتتى ورگانعا حابارلاما جىبەرەدى.
14. زاڭىنىڭ 41-1 باپتىڭ 4-تارماعىندا كورسەتىلگەن حابارلامانى العاننان جانە ونىڭ انىقتىعىن تەكسەرگەننەن كەيىن ۋاكىلەتتى ورگان مەملەكەتتىك تەحنيكالىق قىزمەتكە زاڭىنىڭ 41-1 باپتىڭ 2-تارماعىندا كورسەتىلگەن تالاپتىڭ كۇشىن جويۋ تۋرالى تاپسىرما بەرەدى.
15. مەملەكەتتىك تەحنيكالىق قىزمەت ۋاكىلەتتى ورگاننان زاڭىنىڭ 41-1 باپتىڭ 5-تارماعىندا كورسەتىلگەن تاپسىرمانى العاننان كەيىن ونى دەرەۋ ورىنداۋىن قامتاماسىز ەتەدى جانە بايلانىس وپەراتورلارىنىڭ قولداناتىن تەحنولوگيالىق پارامەترلەر جانە ونىڭ ورىنداۋى تۋرالى حابارلاۋدى قامتاماسسىز ەتۋ ءتيىس.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 17 ناۋرىزدا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №10465 بولىپ ەنگىزىلدى.